20 ліпеня, у чацьвёртую гадавіну гібелі журналіста Паўла Шарамета ў Кіеве, ягоныя сябры, калегі і блізкія прыйшлі да ягонай магілы на Паўночных могілках Менску.
У Кіеве непадалёк ад будынка, дзе жыў журналіст, і ад месца ягонай гібелі ў 2016 годзе, 20 сёньня яму паставілі помнік у выглядзе зьмятага белага аркуша паперы, на якім напісана імя «Павал Шарамет».
Беларускі, расейскі і ўкраінскі журналіст, выканаўчы дырэктар «Українськой правды», вядоўца радыёстанцыі «Вести» Павал Шарамет загінуў раніцай 20 ліпеня 2016 году ад выбуху машыны ў цэнтры Кіева. Імёны падазраваных у арганізацыі і забойстве беларускага журналіста назвалі 12 сьнежня 2019 году. У той жа час расьсьледаваньне забойства Паўла Шарамета дасюль не завершана і будзе працягвацца.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў