9 ліпеня ў канадзкім Манрэалі прайшла акцыя салідарнасьці зь Беларусьсю — у падтрымку вольных выбараў і супраць рэпрэсій у краіне.
Такія акцыі салідарнасьці праходзяць па ўсім сьвеце з другой паловы чэрвеня. Салідарныя зь Беларусьсю выходзілі на плошчы і вуліцы Гамбургу, Бэрліну, Брэмэну, Дусэльдорфу, Філядэльфіі, Таронта, Нью-Ёрку, Лос-Анджэлесу, Сан-Францыска, Лёндану, Манчэстэру, Санкт-Пецярбургу, Бостану, Маямі, Ізьміру, Браціславы, Парыжу, Прагі, Варшавы, Беластоку і многіх іншых гарадоў.
У Канадзе пікет салідарнасьці раней прайшоў у Таронта: 21 чэрвеня мясцовыя беларусы выйшлі на акцыю перад будынкам парлямэнту Антарыё.
