Лінкі ўнівэрсальнага доступу

У Сьветлагорскім раёне разьбілі помнік Леніну? ФАТАФАКТ


Пусты пастамэнт, зь якога зьнік помнік
Пусты пастамэнт, зь якога зьнік помнік

У гарадзкім пасёлку Парычы Сьветлагорскага раёну Гомельскай вобласьці ўначы 2 ліпеня зьнік помнік Леніну. Ад яго застаўся адзін пастамэнт, расказалі Свабодзе мясцовыя жыхары.

Па словах месьцічаў, імаверна яго разьбілі.

Першы помнік Леніну ў Парычах паставілі яшчэ ў 1930 годзе. Паводле гістарычных зьвестак, яго зьнішчылі фашысты падчас Другой усясьветнай вайны. Аднавілі помнік у 1957-м — да 40-годзьдзя Кастрычніцкай рэвалюцыі.

У сельсавеце ня сталі камэнтаваць інцыдэнт, таму невядома, ці плянуюць у Парычах аднаўляць помнік. Мясцовыя чыноўнікі параілі зьвярнуцца ў міліцыю і сказалі, што «не валодаюць сытуацыяй».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG