Лінкі ўнівэрсальнага доступу

Люўр аднаўляе працу праз чатыры месяцы пасьля закрыцьця


FRANCE - FILE PHOTO: Tourists stand in front of the Louvre Pyramid designed by Chinese-born U.S. Architect Ieoh Ming Pei in Paris, France, September 13, 2016

Парыскі музэй Люўр зноў адкрыўся для наведнікаў — амаль праз чатыры месяцы ад закрыцьця ў сакавіку з прычыны пандэміі каранавірусу.

УЖЫВУЮ Каранавірус у Беларусі і ў сьвеце. Як разьвіваюцца падзеі

Пакуль у музэі будуць дзейнічаць некаторыя абмежаваньні: кіраўніцтва зрабіла абавязковым нашэньне масак, колькасьць наведвальнікаў і іх перасоўваньне па залях будзе строга кантралявацца. Адміністрацыя таксама мае намер сачыць, каб не было зашмат людзей у чарзе да самага вядомага экспаната Люўра — «Моны Лізы» Леанарда да Вінчы.

З 13 сакавіка, калі ўвялі карантын і Люўр мусіў закрыцца, ён страціў 40 мільёнаў эўра даходаў. «Нам пашанцавала, што наш уласьнік — дзяржава», — заявіў дырэктар музэю Жан-Люк Марцінэс.

Адначасова ў панядзелак каля Люўру прайшла акцыя пратэсту турыстычных гідаў. Яны, сярод іншага, казалі, што ўлады не прыкладаюць дастатковых намаганьняў, каб дапамагчы людзям, занятым у турыстычнай сфэры.

Прэзыдэнт Францыі Эмануэль Макрон абвясьціў у чэрвені пра «першую перамогу» над каранавірусам. У краіне працягваецца паступовая адмена абмежаваньняў, уведзеных у сувязі з эпідэміяй. Жан Кастэкс, які адказваў у адміністрацыі Макрона за паслабленьне захадаў, на мінулым тыдні быў прызначаны новым кіраўніком ураду Францыі. Ён зьмяніў Эдуара Філіпа, які займаў пасаду прэм’ера з 2017 году.

У сусьветнай статыстыцы захворваньня каранавіруснай інфэкцыяй Францыя займае цяпер 15-е месца — больш за 204 тысячы выпадкаў. Памерлі ад пачатку эпідэміі амаль 29 900 чалавек. Паводле сьмяротнасьці Францыя на шостым месцы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG