Лінкі ўнівэрсальнага доступу

Мэр Варшавы апярэджвае Дуду ў гонцы за крэсла прэзыдэнта, — апытаньне


Рафал Тшаскоўскі на мітынгу ў Варшаве, 26 чэрвеня

Мэр Варшавы, прадстаўнік апазыцыйнай партыі «Грамадзянская плятформа» Рафал Тшаскоўскі зь невялікай перавагай можа атрымаць перамогу ў другім туры прэзыдэнцкіх выбараў у Польшчы. Такія вынікі апошняга апытаньня, якое 4 ліпеня правёў IBRiS (Інстытут рынкавых і грамадзкіх дасьледаваньняў), піша Rzeczpospolita.

Па выніках апытаньняў IBRiS, мэра Варшавы Рафала Тшаскоўскага гатовыя падтрымаць 47,2% апытаных, за ягонага суперніка, кандыдата ад кіроўнай партыі «Права і справядлівасьць», дзейнага цяпер прэзыдэнта Анджэя Дуду зьбіраюцца галасаваць 45,9% польскіх выбарнікаў.

Улічваючы нязначную розьніцу ў падтрымцы галоўных кандыдатаў, важную ролю ў тым, хто стане 7-м прэзыдэнтам Рэспублікі Польшчы, будуць мець галасы тых грамадзян, якія ў першым туры аддалі перавагу іншым дзевяці кандыдатам на пасаду прэзыдэнта. У прыватнасьці, як адзначаюць СМІ, гаворка пра тых выбарнікаў, якія ў першым туры аддалі свае галасы беспартыйнаму журналісту Шыману Галоўні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG