Лінкі ўнівэрсальнага доступу

ААН: Лік уцекачоў у сьвеце дасягнуў амаль 80 мільёнаў чалавек


Уцекачы на турэцка-грэцкай мяжы, сакавік 2020
Уцекачы на турэцка-грэцкай мяжы, сакавік 2020

Ва ўсім сьвеце 79,5 мільёна чалавек былі вымушаныя пакінуць месца пражывання з прычыны войнаў, канфліктаў або страху перасьледу, паведаміла Упраўленьне вярхоўнага камісара ААН у справах уцекачоў.

Паводле Вярхоўнага камісара ААН ў справах бежанцаў Філіпа Грандзі, штогадовы рост колькасьці ўцекачоў зьвязаны з тым, што ўсё радзей ўдаецца ўрэгуляваць канфлікты ў сьвеце, а цяпер сытуацыю пагоршыла пандэмія каранавірусу SARS-CoV-2.

«У мяне няма сумненьняў у тым, што рост беднасьці, адсутнасьць рашэньняў і працяг канфліктаў прывядуць да яшчэ большага руху насельніцтва як унутры рэгіёнаў, так і за іх межы, у прыватнасьці, у Эўропу», — адзначыў ён.

Дзесяць гадоў таму колькасьць людзей, якія перамяшчаліся па сьвеце, складала каля 40 мільёнаў, сказаў Грандзі і дадаў: «Агульная колькасьць вырасла ўдвая. І мы ня бачым, каб гэтая тэндэнцыя зьмяншалася «.

Паводле дакладу, летась каля 11 мільёнаў чалавек былі перамешчаныя, многія зь якіх знаходзяцца ў пацярпелых ад канфлікту краінах і рэгіёнах. 68% бежанцаў сьвету паходзяць з пяці краін: Сырыі, Вэнэсуэлы, Аўганістану, Паўднёвага Судану і М’янмы.

Упраўленьне вярхоўнага камісара ААН па справах бежанцаў публікуе апошнія дадзеныя пра лік бежанцаў у сьвеце штогод, напярэдадні Сусьветнага дня ўцекачоў, які адзначаецца 20 чэрвеня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG