Лінкі ўнівэрсальнага доступу

У Менску на вуліцы Кальцова згарэў пад’езд. Ёсьць траўмаваныя. Пяцёх уратавалі

абноўлена

У Менску на вуліцы Кальцова, 23 у пад’езьдзе жылога дому прагучаў выбух і пачаўся пажар.

Паводле МНС, «адкрытым полымем гарыць кватэра на першым паверсе», траўмы атрымалі тры чалавекі, ахвяраў няма.

Пажар на Кальцова ў Менску
пачакайце

No media source currently available

0:00 0:00:59 0:00

«Пад’ехала газавая аварыйка, значыць у некага газ ірвануў», — піша ў Фэйсбуку Антон Астаповіч, які назірае пажар з вокнаў свайго дому.

«Быў адзін выбух, мы з жонкай і дзіцём пачалі ўжо нават выбягаць з кватэры, мы жывем побач. Потым убачылі ў вакно, што пажар у суседнім доме, — расказаў Радыё Свабода мянчук. — Я пазваніў у 112, але там ужо выклік быў. Прыехалі яны за пару хвілін, патушылі хвілін за 10 мо. Зараз там усё ачэплена».

Выбух быў вельмі моцны, кажа мужчына. «Мы жывем на вельмі высокім паверсе, і было страшна», — апавядае ён.

Пазьней МНС паведаміла, што, паводле папярэдняй інфармацыі, пажару сапраўды папярэднічаў выбух газу. Пяцёх чалавек работнікі МНС выратавалі з пад'езду, дзе гарэла кватэра, трох эвакуявалі з суседняга. Траіх траўмаваных даставілі з апёкамі ў шпіталь.

Пажар ужо зьліквідаваны. Кухня кватэры, дзе меркавана выбухнуў газ, выглядае, паводле МНС, так.

Побач з домам знаходзіцца гарадзкі аддзел міліцыі Савецкага РУУС г. Менску.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG