Лінкі ўнівэрсальнага доступу

Беларусь хоча пачаць перамовы з Эўразьвязам аб новым рамачным пагадненьні, — МЗС


Пра гэта паведамляе прэс-служба МЗС пасьля ўдзелу міністра Ўладзімера Макея ў сустрэчы кіраўнікоў замежнапалітычных ведамстваў краін-чальцоў Эўрапейскага Зьвязу і краін-удзельніц Усходняга партнэрства ў фармаце відэаканфэрэнцыі, інфармуе Інтэрфакс.

«У якасьці аднаго з дасягненьняў Усходняга партнэрства Макей адзначыў ўступленьне 1 ліпеня ў сілу пагадненьня аб спрашчэньні выдачы візаў з Эўрапейскім Зьвязам і заявіў аб неабходнасьці хутчэйшага пачатку перамоваў аб новым рамачным пагадненьні Беларусь — ЭЗ», — паведамляе прэс-служба.

Акрамя таго, міністар падкрэсьліў важнасьць сумесных дзеяньняў для пераадоленьня сацыяльна-эканамічных наступстваў пандэміі каранавіруснай інфэкцыі COVID-19, вітаў намер ЭЗ надаць дапамогу Беларусі ў гэтай сфэры, падзякаваў асобным краінам — сябрам ЭЗ, якія ўжо аказалі такую дапамогу.

Таксама ў паведамленьні прэсавай службы МЗС гаворыцца:

«У кантэксьце бачаньня далейшага разьвіцьця Ўсходняга партнэрства кіраўнік МЗС Беларусі акцэнтаваў важнасьць садзейнічаньня прыцягненьню замежных інвэстыцый, палягчэньня доступу краін-партнэраў на рынак Эўразьвязу, разьвіцьця энэргетычных і транспартных камунікацыяў, укараненьня „зялёных“ і інфармацыйных тэхналёгіяў. Міністар заклікаў падтрымаць прапанову Беларусі аб стварэньні ў Менску рэгіянальнай IT-школы Усходняга партнэрства».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG