Лінкі ўнівэрсальнага доступу

Эўразьвяз пачне адкрываць межы з 1 ліпеня


Эўракамісія рэкамэндавала краінам ЭЗ, якія ўваходзяць у Шэнгенскую зону, пачаць з 1 ліпеня паэтапнае адкрыцьцё зьнешніх межаў, закрытых зь сярэдзіны сакавіка ў сувязі з каранавіруснай пандэміяй.

Каранавірус у Беларусі і ў сьвеце. Як разьвіваюцца падзеі >>

Камісія разьлічвае, што да гэтага моманту будуць у асноўным зьнятыя абмежаваньні на перамяшчэньне паміж самімі краінамі Шэнгенскай зоны.

Да 30 чэрвеня мяжы ЭЗ для грамадзянаў трэціх краін, акрамя тых, якія маюць від на жыхарства і ўяжджаюць з прычыны настойлівай неабходнасьці, застануцца закрытымі. З 1 ліпеня Эўракамісія рэкамэндуе адкрыць ўезд для шэрагу катэгорый замежнікаў, у прыватнасьці, для студэнтаў і высокакваліфікаваных працаўнікоў, аднак не для турыстаў.

Разам з тым рэкамэндавана з 1 ліпеня адкрыць межы для грамадзян шэрагу балканскіх краін, якія не ўваходзяць у ЕС. Беларусь у рэкамэндацыях Эўракамісіі ня згадваецца.

Далейшае адкрыцьцё межаў, як гаворыцца ў рэкамэндацыі, павінна адбывацца скаардынавана і з улікам шэрагу крытэраў. Галоўны з іх — эпідэміялягічная сытуацыя ў краінах, зь якімі будуць адкрываць мяжы, не павiнна быць горшай, чым у краінах Шэнгенскай зоны, і самі гэтыя краіны павінны адкрыць свае межы для грамадзянаў ЭЗ.

Рэкамэндацыі Эўракамісіі павінны быць фармальна ўхваленыя краінамі ЭЗ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG