Лінкі ўнівэрсальнага доступу

Жонка Статкевіча заявіла пра зьдзекі ў турме на Акрэсьціна, дзе не прымаюць перадач


Марына Адамовіч і Мікола Статкевіч

Марына Адамовіч, жонка затрыманага палітыка Міколы Статкевіча, паспрабавала запісацца на асабісты прыём да начальніка ГУУС Менгарвыканкаму, генэрала-маёра Івана Кубракова. 12 чэрвеня ў яго прыёмны дзень.

«З улікам таго пекла, у якім апынуліся нашыя блізкія і сябры ў 30-35- градусную сьпёку ў невэнтыляваных памяшканьнях Цэнтру ізаляцыі правапарушальнікаў, бяз масак і вады, неабходна апэратыўна прыпыніць зьдзекі. Ды чаго там, катаваньні!», — напісала яна ў Facebook.

Паводле яе, на ўказаны для запісу нумар пашчасьціла датэлефанавацца зь першага разу, але на тым «шанцаваньне» скончылася. Прапанавалі запісацца на сярэдзіну ліпеня. Генэрал прымае «хадакоў» толькі раз на месяц, а ўсе чэрвеньскія квоты вычарпаныя.

У якасьці замены ёй прапанавалі сустрэчу зь ягоным намесьнікам, куратарам турмы на Акрэсьціна, 25 чэрвеня — праз два тадні, калі тэрмін зьняволеньня для Статкевіча ды іншых актывістаў ужо скончыцца.

Плюс да ўсяго, са спасылкай на карантынныя захады адміністрацыя ЦІП адмаўляеца прымаць для зьняволеных перадачы.

«Некалі я ўжо рабіла спробы „прарвацца“ ў ГУУС ва неўстаноўлены для народу час. Мабыць, на Акрэсьціна трапіць у якасьці кліента ў разы лягчэй, чым да міліцэйскіх начальнікаў», — адзначыла Марына Адамовіч.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG