Лінкі ўнівэрсальнага доступу

Італьянцы патрабуюць знайсьці адказных за вялікую сьмяротнасьць ад COVID-19


Актывісты італьянскага камітэту за праўду і справядлівасьць 10 чэрвеня падалі скаргу ў гарадзкую пракуратуру Бэргама. Яны патрабуюць расьсьледаваньня, хто адказны за вялікую колькасьць сьмерцяў ад каранавіруснай хваробы ў Лямбардыі, адным з самых багатых і найбольш пацярпелых ад COVID-19 рэгіёнаў Італіі.

Ужо паступіла 50 скаргаў ад членаў сям'і ахвяраў каранавірусу, распавёў Радыё Свабода сузаснавальнік камітэту Стэфана Фуска, у якога ад каранавірусу памёр дзед.

У бліжэйшы час актывісты маюць намер падрыхтаваць і накіраваць у пракуратуру яшчэ 150 скаргаў ад іншых жыхароў Лямбардыі.

Калі вінаватыя будуць вызначаныя, члены Камітэту разглядаюць пытаньне аб падачы грамадзянскага пазову, а сваякі ахвяраў ня маюць намеру патрабаваць ад ураду кампэнсацыі. «Мы проста хочам правасудзьдзя для нашых памерлых», – сказаў Фуска.

Камітэт праўды і справядлівасьці заснавалі жыхар Бэргама Стэфана Фуска і ягоны бацька Лука Фуска. Яны стварылі ў Facebook групу, якая ўжо налічвае больш за 50 000 удзельнікаў.

Ідэя патрабаваць справядлівасьці за жыцьцё, страчанае праз каранавірус, распаўсюдзілася на некалькі эўрапейскіх краінаў.

Напрыклад, у Вялікабрытаніі члены ініцыятывы «Семʼі, пацярпелая ад COVID-19, за справядлівасьць» рыхтуюць судовы працэс і патрабуюць неадкладнага грамадзкага расьсьледаваньня дзеяньняў адказных службовых асобаў на пачатку пандэміі.

Падобныя гісторыі таксама сустракаюцца ў Францыі, Аўстрыі, Гішпаніі.

Колькасьць людзей, заражаных каранавірусам у сьвеце, перавысіла сем мільёнаў, памерла больш за 411 тысяч чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG