Лінкі ўнівэрсальнага доступу

Памёр вікарый Наваградзкай эпархіі ўладыка Пётр. У яго быў каранавірус


Вербніца ў праваслаўных у Катэдральным саборы ў Менску. Ілюстрацыйнае фота.
Вербніца ў праваслаўных у Катэдральным саборы ў Менску. Ілюстрацыйнае фота.

6 чэрвеня ў выніку цяжкай і працяглай хваробы, ускладненай каранавіруснай інфэкцыяй, памёр схіепіскап Дзятлаўскі Пётр, вікарый Наваградзкай эпархіі, паведамляе афіцыйны партал беларускай праваслаўнай царквы church.by.

Каранавірус у Беларусі і ў сьвеце. Як разьвіваюцца падзеі >>

Вікарыю быў 61 год. Ён нарадзіўся 5 студзеня 1959 году ў Берасьцейскай вобласьці. Скончыў Маскоўскую духоўную сэмінарыю. У 1992 годзе стаў эпіскапам Тураўскім і Мазырскім, з 2004 году быў прызначаны кіраўніком Бабруйскай эпархіяй, затым быў вікарыем Віцебскай эпархіі. З 2013 году ўладыка Пётр прызначаны эпіскапам Смаргонскім, вікарыем Наваградзкай эпархіі.

Гэта ня першы выпадак сьмерці сьвятароў у часе пандэміі ў Беларусі. У красавіку памёр сьвятар менскага Петрапаўлаўскага сабору Генадзь Буцько. У яго быў каранавірус.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG