Лінкі ўнівэрсальнага доступу

Каранавірус: Жыровіцкі манастыр зьняў карантын і аднавіў службы 


Манастыр у Жыровічах

Жыровіцкі манастыр ад 1 чэрвеня зьняў карантын, уведзены ў красавіку праз успышку каранавіруса.

«Апавяшчаем вас аб тым, што Ўсьпенскі манастыр і дамы паломнікаў 1 чэрвеня зноў адчыняюць свае дзьверы для ахвочых наведаць сьвятое месца. Службы адпраўляюцца штодня», — гаворыцца ў паведамленьні на сайце манастыра.

Пры гэтым у манастыры заклікалі наведнікаў выконваць рэкамэндацыі для прафіляктыкі заражэньня каранавірусам: сацыяльнае дыстанцыяваньне, асабістую гігіену, рэсьпіраторны этыкет.

Ад 20 красавіка Менская духоўная сэмінарыя і манастыр знаходзіліся ў рэжыме карантыну. У гэты дзень быў шпіталізаваны з пнэўманіяй рэктар сэмінарыі, архіяпіскап Наваградзкі і Слонімскі, намесьнік Жыровіцкага манастыра Гурый (Апалька).

У Слонімскую цэнтральную раённую лякарню быў дастаўлены 41 чалавек з манастыра і сэмінарыі ў Жыровічах. Пазьней манастыр прыпыніў прыём пілігрымаў і наведнікаў.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG