Лінкі ўнівэрсальнага доступу

Лукашэнка задаволены, што ня ўвёў карантыну: «На Захадзе дзікае беспрацоўе, людзі каструлямі грукаюць»


Тэхніка МТЗ на парадзе, 2017 год

Аляксандар Лукашэнка, наведваючы 29 траўня Менскі трактарны завод, заявіў, што Беларусь правільна не ўвяла карантыну і не спыніла вытворчасьці.

Каранавірус у Беларусі і ў сьвеце. Як разьвіваюцца падзеі >>

«На багатым Захадзе дзікае беспрацоўе. Людзі каструлямі грукаюць. Дзякуй Богу, што мы гэтага пазьбеглі, не закрыліся», — цытуе яго праўладны тэлеграм-канал «Пул Первого».

Кіраўніцтва прадпрыемства, дэманструючы госьцю новыя ўзоры тэхнікі, адзначыла, што МТЗ ня толькі працуе ўстойліва, ёсьць нават вакансіі.

«Тое, што я казаў. Нам ня трэба сьпяшацца зь верталёта грошы раскідваць. Ёсьць працоўныя месцы», — адрэагаваў Лукашэнка.

Сярод іншага ён зьвярнуў увагу, што важна ня толькі вырабляць прадукцыю, але і рабіць гэта якасна, тады не паўстане праблем са збытам.

Таксама Аляксандар Лукашэнка загадаў працягваць разьвіваць вытворчасьць беларускай тэхнікі за мяжой.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG