Лінкі ўнівэрсальнага доступу

Чэхія, Славаччына і Вугоршчына часткова адкрываюць унутраныя межы


Славацка-чэская мяжа

Унутраныя межы Чэхіі, Славаччыны і Вугоршчыны будуць адкрытыя для грамадзян гэтых трох краін, калі тыя вернуцца на радзіму на працягу 48 гадзін. У такім выпадку ім ня трэба будзе здаваць тэст на каранавірус і выконваць карантын.

Прага і Братыслава дамовіліся аб аднаўленьні пагранічных зносін паміж сваімі краінамі ў абмежаваным аб’ёме. Адпаведная дамоўленасьць, дасягнутая чэскім і славацкім прэмʼер-міністрамі Андрэем Бабішам і Ігарам Матовічам, будзе дзейнічаць зь серады, 27 траўня, напісаў Бабіш у Twitter у аўторак, 26 траўня. Паводле ягоных слоў, пазьней да Чэхіі і Славаччыны далучылася Вугоршчына.

Грамадзянам трэціх краін, у тым ліку Нямеччыны, з прычыны пандэміі COVID-19 пакуль забаронена ўяжджаць у Чэхію, Славаччыну і Вугоршчыну.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG