Лінкі ўнівэрсальнага доступу

Паліцыя пачала справу аб хуліганстве пасьля падзеяў каля офісу партыі Медведчука ў Кіеве. Затрыманыя 17 актывістаў


Віктар Медвядчук
Віктар Медвядчук

Сёньня ў Кіеве каля офісу кіраўніка партыі «Апазыцыйная плятформа — За жыцьцё» Віктара Медведчука адбыліся сутыкненьні пратэстоўцаў зь сіламі аховы правапарадку. Паліцыя паведаміла, што распачатая крымінальная справа паводле артыкулу «хуліганства».

Першапачатковыя паведамленьні аб выбуху каля офісу партыі, у паліцыі патлумачылі тым, што актывісты кінулі пэтарду. Таксама яны палілі дымавыя шашкі і фаеры.

Відэа з месца здарэньня было апублікаванае — і неўзабаве выдаленае — у тэлеграм-канале Pavlovsky News.

СМІ называюць народнага дэпутата Ўкраіны Віктара Медведчука кумам прэзыдэнта РФ Уладзіміра Пуціна, Пуцін напачатку нулявых быў хросным бацькам дачкі ўкраінскага палітыка. Ва Ўкраіне Медведчука часта абвінавачваюць у лябіяваньні інтарэсаў Расеі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG