Лінкі ўнівэрсальнага доступу

«Дасягнуць некалькіх адсоткаў ВУП» — намесьнік міністра эканомікі пра захады падтрымкі эканомікі


Ілюстрацыйнае фота.
Ілюстрацыйнае фота.

Захады падтрымкі беларускай эканомікі дасягнуць некалькіх адсоткаў ад ВУП, паведаміў вечарам 26 красавіка ў эфіры тэлеканалу СТВ намесьнік міністра эканомікі Дзьмітрый Матусевіч.

Каранавірус у Беларусі і ў сьвеце. Як разьвіваюцца падзеі >>

«Думаю, што ў выніку, калі ўсё гэта складзецца, меры падтрымкі будуць складаць некалькі адсоткаў ад ВУП. Гэта вельмі сур'ёзная лічба», – сказаў Матусевіч.

Паводле яго, яшчэ адзін пакет падтрымкі, якім цяпер займаецца міністэрства, і які не ўвайшоў ва ўказ прэзыдэнта № 143 «Аб падтрымцы эканомікі», прадугледжвае прыцягненьне зьнешняга фінансаваньня. «Мы вядзем перамовы з шэрагам міжнародных фінансавых арганізацый, і гэтыя сродкі таксама, магчыма, трансфармуюцца ў лініі, у танныя крэдытныя лініі», – адзначыў намесьнік міністра.

Матусевіч таксама дадаў, што пад указ № 143 рыхтуецца трэці пакет захадаў падтрымкі, будуць прынятыя лякальныя акты, аднак якія – не канкрэтызаваў.

Указ № 143 быў падпісаны кіраўніком дзяржавы 24 красавіка. Ён накіраваны на падтрымку субʼектаў гаспадараньня асобных галінаў эканомікі.

Згодна з дакумэнтам, прадугледжана адтэрміноўка і растэрміноўка выплаты падатковых крэдытаў, скарочаны тэрмін вяртаньня з бюджэту розьніцы паміж сумай падатковых вылікаў і агульнай сумай ПДК.

Індывідуальным прадпрымальнікам даецца магчымасьць пераходу на іншыя рэжымы падаткаабкладаньня і пераразьліку адзінага падатку ў сувязі з часовым неажыцьцяўленьнем імі дзейнасьці.

Абласным і Менскаму Савету дэпутатаў рэкамэндавана ўдвая зьменшыць стаўкі адзінага падатку у другім і трэцім квартале.

Уводзяцца арэндныя канікулы, мараторый на павелічэньне базавай арэнднай велічыні і арэнднай платы. Акрамя таго, даецца права мясцовым распарадчым і выканаўчым органам памяншаць маёмасныя падаткі.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG