Лінкі ўнівэрсальнага доступу

Колькасьць вылечаных ад каранавірусу ў Італіі за суткі ўпершыню перавысіла колькасьць тых, хто заразіўся


Апусьцелы пляц Навона ў цэнтры Рыму.

Колькасьць тых, хто выздаравеў ад каранавірусу, у Італіі за апошнія суткі склала 3 033, колькасьць новых выпадкаў заражэньня за той жа пэрыяд — 2 646.

Пра гэта журналістам паведаміў кіраўнік Дэпартамэнту грамадзянскай абароны Італіі Анджэла Барэлі.

Каранавірус у Беларусі і ў сьвеце. Як разьвіваюцца падзеі >>

У краіне захоўваецца высокая сьмяротнасьць. Ад наступстваў каранавіруснай інфэкцыі за апошнія суткі памерлі 464 чалавекі. Агульная колькасьць памерлых дасягнула 25 549.

Агульная колькасьць інфікаваных ад пачатку пандэміі ў краіне складае 189 973 чалавекі. Гэта трэці паказьнік у сьвеце пасьля ЗША і Гішпаніі.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG