Прыблізна 500 чалавек, якія працуюць у прэзыдэнцкім палацы Індыі, самаізаляваліся пасьля інфармацыі, што адзін з супрацоўнікаў заразіўся каранавірусам SARS-CoV-2, паведамляе Reuters.
На сёньняшні дзень у Індыі зарэгістравана 18984 выпадкі каранавіруснай інфэкцыі і 603 выпадкі сьмерці ад COVID-19.
Трывога ў прэзыдэнцкім палацы адбылася пасьля таго, як у нявесткі аднаго з супрацоўнікаў, які жыў у комплексе, пацьвердзіўся каранавірус.
Ані прэзыдэнт Рам Нат Ковінд, ані яго дарадцы не былі зьмешчаныя ў карантын, бо ня мелі кантакту з работнікам. Аднак сем’і супрацоўнікаў палаца маюць загад не пакідаць свае дамы.
У Індыі роля прэзыдэнта краіны сымбалічная. Поўная выканаўчая ўлада ў руках прэм'ер-міністра.
