Цырымонію ўручэньня міжнароднай Букераўскай прэміі перанесьлі ў сувязі з пандэміяй каранавіруснай інфэкцыі. Ляўрэатка ці ляўрэат адной з самых прэстыжных узнагародаў у літаратуры будзе абвешчаны ня ў траўні, а ў канцы лета.
Каранавірус у Беларусі і ў сьвеце. Як разьвіваюцца падзеі >>
У заяве Букераўскага фонду гаворыцца: «Абвяшчэньне сьпісу кандыдатаў на прэмію было прачытана беспрэцэдэнтнай колькасьцю чалавек і выклікала жывую рэакцыю, але доступ да кніг цяпер праблематычны. У размовах з Букераўскім фондам выдаўцы падкрэсьлівалі, што распаўсюджваньне кніг сур’ёзна падарвана пандэміяй COVID-19, так што мы робім захады, каб у гэты складаны час аўтары, перакладчыкі, выдаўцы і кнігагандляры знайшлі падтрымку».
У шорт-лісьце прэміі наступныя творы:
- «The Enlightenment of the Greengage Tree», іранская пісьменьніца Шокуфех Азар, пераклад з фарсі Майкла Хэйнса;
- «The Adventures of China Iron», аргентынская пісьменьніца Габрыэля Камара, пераклад з гішпанскай Ёны Макінтайр і Фіёны Макінтош;
- «Tyll », нямецкі пісьменьнік Даніэль Кельман, пераклад зь нямецкай Роса Бенджаміна;
- «Hurricane Season», мэксыканская пісьменьніца Фэрнанда Мельхор, пераклад з гішпанскай Сафі Хʼюз;
- «The Memory Police», японская пісьменьніца Ёка Агава, пераклад з японскай Стывена Снайдэра;
- «The Discomfort of Evening», нідэрляндзкая пісьменьніца Марыка Лукас Рыневэлд, пераклад з галяндзкай Мішэль Хатчысан.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
