На адкрыцьці таргоў на менскай валютнай біржы 17 красавіка даляр ЗША патаньнеў на 1,5 капейкі, да 2,4435 беларускага рубля.
Курс эўра зьнізіўся больш чым на 2 капейкі да 2,6534 рубля.
Расейскі рубель, наадварот, прырос на 2 капейкі і цяпер каштуе 3,3190 беларускага рубляў за 100 расейскіх.
Максымальнай адзнакі амэрыканская валюта дасягнула 23 сакавіка, калі вырасла адразу на 8 капеек да 2,6396 рубля. Гэта найгоршы паказьнік за ўвесь час існаваньня беларускай грашовай адзінкі.
Эўра тады дадаў 6 капеек, да 2,83 рубля.
Але ад таго часу на навінах пра рост цаны на нафту пасьля яе рэзкага абвалу курс беларускага рубля ўмацоўваецца.
