Лінкі ўнівэрсальнага доступу

Стала вядома, каго падтрымае Абама ў прэзыдэнцкай гонцы ў ЗША


Барак Абама і Джо Байдэн

Экс-прэзыдэнт ЗША Барак Абама падтрымае былога віцэ-прэзыдэнта Джозэфа Байдэна ў барацьбе за вылучэньне кандыдатам у прэзыдэнты ЗША ад Дэмакратычнай партыі.

Пра гэта ў аўторак напісаў на сваёй старонцы ў «Твітэры» карэспандэнт тэлекампаніі Эн-бі-сі ў Белым доме Пітэр Алэксандэр.

«Экс-прэзыдэнт Барак Абама заявіць пра падтрымку свайго былога віцэ-прэзыдэнта Джо Байдэна ў відэа, якое будзе апублікавана сёньня раніцай. Пра гэта паведаміла крыніца, блізкая да экс-прэзыдэнта», — напісаў Алэксандэр.

Нацыянальны зьезд Дэмакратычнай партыі ЗША, на якім Байдэна, як чакаецца, назавуць кандыдатам у прэзыдэнты, заплянаваны на сярэдзіну жніўня ў Мілуокі (штат Вісконсін). Раней ён быў прызначаны на 13-16 ліпеня. Мерапрыемства адклалі праз пандэмію новага каранавіруса. Прэзыдэнцкія выбары ў ЗША павінны прайсьці 3 лістапада.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG