Лінкі ўнівэрсальнага доступу

Беларусь завяршыла працэдуры для спрашчэньня візавага рэжыму з Эўразьвязам


Аляксандар Лукашэна падпісаў пагадненьне аб спрашчэньні візавага рэжыму з Эўразьвязам і рэадмісіі. Перад гэтым яго ратыфікавалі дэпутаты Палаты прадстаўнікоў.

Як паведамляе Нацыянальны прававы інтэрнэт-партал, цяпер дакумэнт павінны зацьвердзіць у Эўрапарлямэнце, а затым Рада Эўразьвязу зможа афіцыйна завершыць ратыфікацыю пагадненьняў.

Пасьля гэтага шэнгенская віза для беларусаў будзе каштаваць 35 эўра. Мяркуецца, што новая цана пачне дзейнічаць ад сёлетняга чэрвеня.

Да нядаўняга часу шэнгенская віза абыходзілася беларусам у 60 эўра. Але ад пачатку году Эўразьвяз увёў новыя правілы, згодна зь якімі яе цана падвысілася да 80 эўра.

У зьвязку з пандэміяй каранавірусу бальшыня амбасадаў краін Эўразьвязу спынілі прыём заяваў на атрыманьне шэнгенскай візы ў Менску і рэгіянальных кансулятах.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG