Лінкі ўнівэрсальнага доступу

«Каранавірус» у 46 разоў больш папулярны, чым «Лукашэнка». Што беларусы шукаюць у Google пра каранавірус


Ілюстрацыйнае фота

Найбольш пра каранавірус беларусы пыталіся 3 красавіка, калі ў Беларусі быў 351 выпадак заражэньня і 4 сьмерці. Найчасьцей інфармацыю пра каранавірус і пнэўманію шукаюць жыхары Віцебскай вобласьці.

Каранавірус у Беларусі і ў сьвеце. Як разьвіваюцца падзеі >>

Запыт «каранавірус» у пошукавіку google ад Беларусі цяпер звышпапулярны — мае адзнаку больш за 90 балаў па папулярнасьці.

Напрыклад, 28 лютага, калі ў Беларусі выявілі першы выпадак заражэньня, гэты паказчык быў 54 балы. Статыстыка паказвае, што тады быў уздым пошуку пра каранавірус, а далей пачаўся паступовы спад.

Запыты на пошук па слове «Каранавірус»
Запыты на пошук па слове «Каранавірус»

Тады ж, 28 лютага, у пошукавіку часта пыталіся пра каранавірус у дзяцей, пазьней гэтыя запыты пайшлі на спад. Такія запыты, як «праблемы з дыханьнем» ці «каранавірус у катоў і сабак», сустракаюцца адзінкава.

Найбольш з запытам «каранавірус» беларусы зьвярталіся да пошукавіка 3 красавіка (100 балаў папулярнасьці). Тады ў Беларусі яшчэ быў 351 выпадак заражэньня і 4 сьмерці ад інфэкцыі. У гэты дзень статыстыку па захворваньнях сьпярша падаў Аляксандар Лукашэнка, а потым Міністэрства аховы здароўя.

Што шукаюць разам з каранавірусам

Разам са словам «каранавірус» беларусы шукаюць у Google такія словы, як:

  • Беларусы
  • Італія
  • Сымптом
  • Статыстыка
  • Кітай

ТОП запытаў пра каранавірус ад Беларусі выглядае наступным чынам:

  • Беларусь каранавірус
  • Каранавірус навіны
  • Каранавірус у Беларусі
  • Coronavirus
  • Каранавірус Менск

Сымптомы ў гэтай статыстыцы толькі на 14 месцы, а статыстыка па захворваньнях — на 16-м. Таксама ў папулярных запытах:

  • Каранавірус у Віцебску
  • Каранавірус у Італіі
  • Каранавірус мапа
  • Каранавірус у Кітаі
  • Каранавірус у сьвеце
  • Каранавірус і пнэўманія

Такім жа папулярным запытам у пошукавіку стала «пнэўманія». Пік пошуку таксама прыпаў на 3 красавіка. Разам зь ёй шукаюць:

  • Пнэўманія без тэмпэратуры
  • Вірусная пнэўманія
  • Пнэўманія сымптомы
  • Нетыповая пнэўманія
  • Пнэўманія — гэта...
Запыты на пошук па слове «пнэўманія»
Запыты на пошук па слове «пнэўманія»

У якіх рэгіёнах найбольш шукаюць інфармацыю пра каранавірус

Найбольш пра захворваньне пытаюцца ў пошукавіка жыхары Віцебскай вобласьці, на другім месцы Магілёўская вобласьць, потым — Горадзенская, за ёй Менская і Гомельская. «Пнэўманію» больш шукаюць у Віцебскай вобласьці, за ёй ідуць Менская, Горадзенская, Магілёўская і Гомельская.

Агулам па Беларусі каранавірус у пошуку абганяе і Лукашэнку — у 46 разоў, і футбол, падаткі, выбары — у 90 разоў.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG