Лінкі ўнівэрсальнага доступу

Беларусы застаюцца заблякаванымі ў Віетнаме, Інданэзіі, Індыі і Тайляндзе


Беларускія турысты ў Эгіпце
Беларускія турысты ў Эгіпце

Каля двух дзясяткаў пазаплянавых рэйсаў давялося зрабіць самалётам «Белавія», каб вярнуць дадому беларускіх турыстаў. Пра гэта тэлеканалу «Беларусь-1» паведаміў намесьнік гендырэктара кампаніі Ігар Чаргінец.

Паводле Чаргінца, толькі з Эгіпту вывезьлі 7,5 тысячы беларусаў і грамадзянаў іншых краінаў. Пры гэты дагэтуль застаюцца складанасьці зь вяртаньнем неарганізаваных турыстаў зь Віетнаму, Інданэзіі, Індыі, Тайлянду.

«Арганізацыя рэйсаў вельмі складаная, — адзначыў Чаргінец. — Трэба рабіць мінімум адну пасадку на дазапраўку, а ў выпадку з Балі — па дзьве па дарозе ў той бок і назад. Гэта складана з тэхнічнага пункту гледжаньня для экіпажаў, цяжка для саміх пасажыраў, да таго ж каштуе вялікіх грошай».

Пры гэтым ён падкрэсьліў, што з-за мяжы людзей вывозяць па мінімальнай цане квіткоў.

Раней Міністэрства спорту і турызму агучыла, што дапамога ў вяртаньні спатрэбілася прыблізна 8 тысячам беларусаў, якія куплялі пуцёўкі і сутыкнуліся з закрыцьцём межаў з прычыны каранавірусу. Дакладная колькасьць неарганізаваных турыстаў невядомая.

Ігар Чаргінец таксама расказаў, што пандэмія каранавірусу вельмі моцна ўмяшалася ў пляны «Белавія» — пасажырапаток абваліўся на 90%. Да апошняга часу і авіякампанія, і Нацыянальны аэрапорт дэманстравалі рост — больш за 30% у параўнаньні зь мінулым годам. Цяпер жа вымушаныя мяняць пляны куплі самалётаў, карэктаваць новыя маршруты.

«Да канца мы яшчэ не адчулі сапраўднага маштабу бедзтва», — падсумаваў намесьнік гендырэктара «Белавія».

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG