Лінкі ўнівэрсальнага доступу

Украіна зрабіла больш жорсткімі абмежаваньні ў рамках барацьбы з СOVID-19


Кіеў
Кіеў

6 красавіка ва Ўкраіне пачалі дзейнічаць новыя абмежаваньні ў рамках барацьбы з каранавірусам COVID-19. Цяпер у грамадзкіх месцах нельга зьяўляцца без маскі або рэсьпіратара.

Таксама забаронена хадзіць групамі больш за дзьве асобы, за выключэньнем суправаджэньня дзяцей. Дзецям да 14 гадоў забаронена зьяўляцца ў грамадзкіх месцах, уключаючы дзіцячыя пляцоўкі. Акрамя таго, цяпер нельга наведваць паркі, сквэры і іншыя зоны адпачынку.

Людзі старэйшыя за 60 гадоў павінны самаізалявацца. Гэтая забарона не распаўсюджваецца на мэдыкаў і работнікаў прадпрыемстваў крытычнай інфраструктуры. Акрамя таго, пажылыя людзі могуць выйсьці ў краму за прадуктамі або выгуляць хатнюю жывёлу на адлегласьці ня больш за два кілямэтры ад месца самаізаляцыі. Забарона на працу мэтро застаецца ў сіле.

За парушэньне правілаў пагражаюць буйныя штрафы і крымінальная адказнасьць. За выкананьнем правілаў карантыну будуць сачыць Нацыянальная паліцыя і Нацыянальная гвардыя. Чакаецца, што абмежаваньні будуць дзейнічаць да 24 сакавіка.

Паводле апошніх зьвестак ва Ўкраіне зафіксавана больш за 1300 выпадкаў заражэньня каранавірусам новага тыпу. Памерлі 38 чалавек. Па прагнозах уладаў, піка эпідэміі можна чакаць да 14 красавіка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG