Лінкі ўнівэрсальнага доступу

У Беларусі пацьвердзілі 562 выпадкі каранавірусу і 8 сьмерцяў


Ілюстрацыйнае фота. Мэдык у ахоўным касьцюме бярэ аналіз на каранавірус на беларуска-літоўскім памежным пераходзе Каменны Лог, 18 сакавіка 2020 году

Міністэрства аховы здароўя Беларусі 5 красавіка апублікавала ў афіцыйным Тэлеграм-канале сьвежую статыстыку пацьверджаных выпадкаў заражэньня каранавірусам у краіне.

«У Беларусі па стане на 5 красавіка на стацыянарным лячэньні з каранавіруснай інфэкцыяй знаходзяцца 502 чалавекі. У большай часткі пацыентаў захворваньне працякае ў лёгкай ці сярэдняй форме. Пасьля праходжаньня лячэньня ачунялі 52 чалавекі. Зарэгістравана 8 выпадкаў сьмерці пацыентаў, у якіх шматлікія хранічныя захворваньні былі абцяжараныя каранавіруснай інфэкцыяй», — паведаміла Мінздароўя.

Міністэрства аховы здароўя Беларусі не падае цалкам лічбы ўсіх інфікаваных ад пачатку пандэміі, але іх можна падлічыць, склаўшы 502 чалавекі на стацыянарным лячэньні, 52 чалавекі, які выздаравелі, і 8 памерлых. Такім чынам, агулам у Беларусі па стане на 5 красавіка пацьверджаныя 562 выпадкі каранавірусу.

4 красавіка былі пацьверджаныя 440 выпадкаў каранавірусу ў Беларусі, за апошнія суткі іх колькасьць павялічылася на 122 чалавекі. Пацьверджаныя 3 новыя выпадкі сьмерці ад COVID-19.

У большасьці краінаў сьвету па некалькі разоў на дзень падаюцца лічбы ўсіх інфікаваных, вылечаных, памерлых і пратэставаных на COVID-19.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG