Колькасьць выпадкаў заражэньня новым каранавірусам у Нямеччыне за суткі вырасла прыкладна на 4,7 тысячы і дасягнула 57 298. Пра гэта паведаміў у панядзелак Інстытут вірусалёгіі імя Робэрта Коха ў сваёй штодзённай зводцы.
Ад наступстваў захворваньня памерлі 455 чалавек.
Ужо тыдзень ва ўсёй Нямеччыне амаль адсутнічае грамадзкае жыцьцё. Працуюць толькі лякарні, паштовыя аддзяленьні, запраўкі, аптэкі і крамы. У некаторых фэдэральных землях нельга выходзіць на вуліцы бяз важкай прычыны.
Пандэмія каранавірусу ў Беларусі і ў сьвеце. Як разьвіваюцца падзеі
Мэта ўраду — максымальна скараціць тэмпы распаўсюджваньня інфэкцыі, каб не перагружаць сыстэму аховы здароўя.
