Цягам усяго тыдня рэдактар Свабоды праглядаў фатаздымкі сусьветных сталіц у стужках інфармагенцыяў Reuters і AFP, а нашы фотакарэспандэнты здымалі жыцьцё ў Менску.
Колькасьць інфікаваных каранавірусам у сьвеце перавысіла 600 тысяч чалавек. Упершыню з часу Другой сусьветнай вайны многія краіны ўвялі надзвычайныя захады, каб абмежаваць масавыя зборы людзей і такім чынам спыніць распаўсюд паднэміі. На фоне закрытых межаў і паўсюднага карантыну Беларусь выглядае ці не аазісам у пустэльні: рэстараны і крамы працуюць, мала хто носіць маскі нават у перапоўненым транспарце, футбольны чэмпіянат зьбірае аматараў на трыбунах, кіраўнік дзяржавы супакойвае, што ўлады даюць рады пандэміі «бяз шуму і пылу»...
Мы супаставілі фота ў параўнальнай галерэі — глядзіце, што атрымалася.
