Лінкі ўнівэрсальнага доступу

Краіны G20 паабяцалі адзіны фронт і $5 трыльёнаў у барацьбе з каранавірусам


Уладзімір Пуцін на саміце G20, праведзеным 26 сакавіка 2020 па відэасувязі

Краіны «Вялікай дваццаткі» (G20) паабяцалі адзіным фронтам змагацца з пандэміяй каранавірусу і інвэставаць у сусьветную эканоміку 5 трыльёнаў даляраў для зьмякчэньня наступстваў крызісу.

«Барацьба з гэтай пандэміяй патрабуе празрыстага, магутнага, скаардынаванага, маштабнага і навукова абгрунтаванага глябальнага адказу ў духу салідарнасьці», — гаворыцца ў сумеснай заяве краін G20 пасьля пазачарговага саміту, праведзенага па відэасувязі 26 сакавіка.

Краіны G20 таксама паабяцалі разам з Міжнародным валютным фондам, Сусьветнай арганізацыяй здароўя і рэгіянальнымі банкамі хутка распрацаваць магутны фінансавы пакет для падтрымкі краінаў, якія разьвіваюцца.

У групу G20 уваходзяць: Аўстралія, Аргентына, Бразылія, Брытанія, Нямеччына, Індыя, Інданэзія, Італія, Канада, КНР, Мэксыка, Расея, Саудаўская Арабія, ЗША, Турэччына, Францыя, Паўднёвая Карэя, ПАР, Японія, а таксама Эўразьвяз. Краіны, якія ўваходзяць у склад «Вялікай дваццаткі», прадстаўляюць 80% глябальнага ВУП.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.

Пашырэньне каранавірусу ў сьвеце. Гадзіна за гадзінай

Націсьніце, каб пабачыць:

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG