Дактары з Малайзіі запусьцілі ў сацыяльных сетках флэшмоб #StayHome са слоганам «Я працую дзеля цябе, застанься дома дзеля мяне». Яны фатаграфуюцца ў халатах і мэдычных масках і заклікаюць усіх заставацца дома з салідарнасьці да лекараў падчас пандэміі каранавірусу.
Ініцыятар флэшмобу – малайзійскі доктар Джы Цік Шэнга, які апублікаваў сумесны з калегамі здымак з заклікам заставацца дома.
«Мы працуем дзеля цябе і тваёй краіны. Шчыра вашыя, работнікі шпіталяў. Мы таксама можам быць вашымі мужамі, жонкамі, дзецьмі, сваякамі або суседзямі. Так што, малайцы, зрабіце правільную справу і застаньцеся дома. Каб мы змаглі выратаваць крытычна хворых», – просяць дактары Малайзіі.
«Далучаемся! Проста каб трохі разагнаць наш смутак, хе-хе. Мы сумуем па нашых сем'ях, так што дапамажыце нам крыху, га? Атрымлівайце асалоду ад карантыну і працы з дому, каб эпідэмія COVID-19 скончылася раней, чым мы думаем. Дзякуй!», – заклікаюць у малайскім шпіталі.
«Мы застаёмся тут для вас. Калі ласка, заставайцеся дома для нас!», – просяць нямецкія дактары.
«Глядзець, як малайцы клапоцяцца адно пра аднаго, цудоўна. Няхай гэты крызіс выявіць у малайцаў найлепшае, а ня горшае. Клапаціцеся адно пра аднаго»
Грузінскія мэдыкі паведамляюць: «Мы застаёмся на працы для вас! Калі ласка, заставайцеся дома для нас! STOPCOVID-19»
«Мы застаёмся тут для вас, калі ласка, заставайцеся для нас дома!», – далучаюцца да флэшмобу ўкраінскія дактары.
«Мы знаходзімся тут дзеля вас, застаньцеся дзеля нас дома», – далучаюцца ў нямецкім Дусэльдорфе.
«Тэрміновае паведамленьне ад каманды анэстэзіёлягаў»
«Мы на працы дзеля вас. Заставайцеся дома дзеля нас»
«Мы дзяжурым у шпіталі для вас. Заставайцеся дома для нас»
Каранавірус у Беларусі і ў сьвеце. Як разьвіваюцца падзеі >>
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў