Лінкі ўнівэрсальнага доступу

У ЗША пачалі вызваляць з турмаў у сувязі з каранавірусам. Інфэкцыя ў турме, дзе сядзеў Гарві Вайнштэйн


Турма Райкерс у Нью-Ёрку, архіўнае фота
Турма Райкерс у Нью-Ёрку, архіўнае фота

Прынамсі чатыры амэрыканскія штаты пачалі вызваляць некаторых зьняволеных у сувязі з выпадкамі інфэкцыі новым каранавірусам у турмах, паведамляе тэлеканал Fox News.

У Нью-Ёрку будуць вызваляць тых, хто зрабіў дробныя злачынствы і пры гэтым мае праблемы са здароўем, трапляючы ў групу рызыкі. Пра гэта паведаміў мэр гораду Біл дэ Блазыё.

Рашэньне прынятае пасьля таго, як у нью-ёрскай турме Райкерс у аднаго са зьняволеных пацьвердзілася заражэньне каранавірусам. Яшчэ восем маюць сымптомы хваробы. Усіх іх ізалявалі.

Каранавірус у Беларусі і ў сьвеце. Як разьвіваюцца падзеі >>

Нядаўна асуджаны за згвалтаваньне кінапрадусар Гарві Вайнштэйн раней знаходзіўся ў турме Райкерс, але днямі яго перавялі ў турму з узмоцненай аховай на поўначы штату Нью-Ёрк.

Таксама абвясьцілі пра вызваленьне некаторых вязьняў у сувязі з каранавірусам штаты Агаё, Каліфорнія і Флорыда.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG