Лінкі ўнівэрсальнага доступу

У Расеі выпрабоўваюць вакцыну ад каранавірусу, чакаюць яе запуску ў канцы году


Вакцына, ілюстрацыйнае фота

Расея распрацоўвае прататыпы вакцынаў для прафіляктыкі эпідэміі COVID-19, гаворыцца на сайце «Роспотребнадзора».

Сьцьвярджаецца, што дасьледчыкам удалося стварыць вакцыны як на аснове вірусных вэктараў грыпу, адру і стаматыту, так і на аснове сынтэтычных тэхналёгій.

Як адзначаецца ў паведамленьні, пры распрацоўцы новых вакцынаў абавязкова трэба правесьці папярэднія выпрабаваньні на адчувальных лябараторных жывёлах — мышах, пацуках, тхарах і ніжэйшых прыматах. Неабходна вызначыць найбольш эфэктыўную дозу і разавасьць увядзеньня вакцыны, спосаб і схэму вакцынацыі.

Практычныя дасьледаваньні пачаліся 16 сакавіка. У іх рамках навукоўцы пакінуць найбольш пэрспэктыўныя і бясьпечныя прататыпы. У прыватнасьці, трэба будзе вызначыць склад, дозу, спосаб увядзеньня вакцыны. Паводле аптымістычных плянаў, запуск прэпарату магчымы ў чацьвёртым квартале 2020 году.

Паратунак ад небясьпечнай хваробы шукаюць і ў іншых краінах сьвету — Кітаі, Ганконгу, Японіі, ЗША, Аўстраліі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG