Лінкі ўнівэрсальнага доступу

Як зьмяняецца Ружанскі палац падчас рэстаўрацыі. ФОТА


Усходні корпус у Ружанскім палацы, 9 сакавіка 2020 года

У Ружанскім палацы працягваецца рэстаўрацыя. Цяпер будаўнікі накрываюць дахам усходні корпус. У такім выглядзе палац даўно ніхто ня бачыў.

Рэканструкцыя ў Ружанскім палацы, які належаў роду Сапегаў, працягваецца ад 2008 году. Тут аднавілі ўязную браму і бакавыя флігелі, у якіх разьмясьціліся музэі.

Ад жніўня 2019 году пачалася рэстаўрацыя ўсходняга корпусу.

«Цяпер будаўнікі фактычна выконваюць мару Сапегаў. Бо яны аднаўляюць усходні (тэатральны) корпус паводле чарцяжоў XVIII стагодзьдзя, якія захаваліся ў Варшаве. Але корпус быў крыху іншым», — цытуе TUT.BY малодшага навуковага супрацоўніка Ружанскага палацавага комплексу Антося Арцюха.

Аднаўленьне ўсходняга корпусу ў Ружанскім палацы, 9 сакавіка 2020 года
Аднаўленьне ўсходняга корпусу ў Ружанскім палацы, 9 сакавіка 2020 года

Таксама TUT.BY прыводзіць словы гісторыка і археоляга Ігара Чарняўскага, былога начальніка ўпраўленьня аховы гісторыка-культурнай спадчыны Міністэрства культуры Беларусі. Гісторык кажа, што да цэглы, якая выкарыстоўваецца пры рэстаўрацыі, ёсьць пытаньні.

«Іх [сродкаў] хапае на цэглу ня самай лепшай якасьці, што ў выпадку Ружанаў было б і ня вельмі страшна. Але не хапае на тынкоўку фасадаў, што вядзе да размарожваньня муроўкі. Пытаньне ў парушэньні тэхналёгіі выкананьня работ, якое трэба задаваць ня столькі выканаўцу, колькі органам, якія плянуюць фінансаваньне. Хаця і да выканаўцаў могуць быць прэтэнзіі, калі паглядзець на падмурак», — сказаў Ігар Чарняўскі.

Так выглядаў усходні корпус да рэстаўрацыі. Фота 2017 году
Так выглядаў усходні корпус да рэстаўрацыі. Фота 2017 году

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG