Лінкі ўнівэрсальнага доступу

Кіраўніка «Маладога фронту» затрымалі для тлумачэньняў пра старыя крымінальныя справы. ВІДЭА

абноўлена

Дзяніс Урбановіч, архіўнае фота
Дзяніс Урбановіч, архіўнае фота

Затрыманы лідэр «Маладога фронту» Дзяніс Урбановіч, паведаміў на сваёй старонцы ў Фэйсбуку апазыцыйны палітык Павал Севярынец. «Уламіліся дахаты і вывезьлі, міліцыя», — напісаў ён.

Павал Севярынец расказаў Радыё Свабода, што да Ўрбановіча дадому ў Менску прыехалі некалькі міліцыянтаў і загадалі праехаць зь імі. Урбановіч пасьпеў пазваніць паплечнікам і ўключыць на кароткі час трансьляцыю ў ВК.

Свабода датэлефанавалася да грамадзкага актывіста Зьмітра Марчука, які прыехаў у апорныя пункт міліцыі на вуліцы Кіжаватава ў Менску, дзе знаходзіўся Ўрбановіч. Як патлумачыў Марчук, міліцыянты бралі ва Ўрбановіча пісьмовае тлумачэньне ў сувязі з тым, што ў яго шмат нявыплячаных штрафаў за ўдзел у акцыях пратэсту.

Пазьней атрымалая скантактавацца з самім Дзянісам Урбановічам, якога ўжо выпусьцілі з пастарунку. Ён расказаў, што акрамя тлумачэньняў па штрафах міліцыя патрабавала ад яго таксама даць пісьмовыя тлумачэньні па крымінальнай справе 2015 году, калі ён зьняў дзяржаўны сцяг над будынкам ў вёсцы Кораньшчына ў Лагойскім раёне, дзе праходзіла галасаванне, а яшчэ на шыльдачцы «выбары» напісаў «За празрыстыя выбары». Паводле Ўрбановіча, міліцыянты таксама цікавіліся, дзе ён плянуе быць на Дзень Волі 25 сакавіка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG