Лінкі ўнівэрсальнага доступу

Каранавірус: У Беларусі павялічылі тэрміны знаходжаньня замежнікаў у краіне


Ілюстрацыйнае фота. У менскім аэрапорце

У Беларусі павялічаны пэрыяд для знаходжаньня іншаземцаў, паведаміла прэс-сакратарка МУС Вольга Чамаданава ў Тэлеграме.

«У сувязі з увядзеньнем шэрагам дзяржаваў абмежавальных мераў, зьвязаных з уездам замежных грамадзян на іх тэрыторыю, падразьдзяленьні па грамадзянстве і міграцыі органаў унутраных спраў Беларусі будуць працягваць тэрмін знаходжаньня замежных гасьцей у нашай краіне да 90 дзён, а пры неабходнасьці і звыш гэтага пэрыяду», — паведаміла Вольга Чамаданова.

Замежніку для падаўжэньня тэрміну неабходна зьвярнуцца ў падразьдзяленьне па грамадзянстве і міграцыі АУС па месцы знаходжаньня (рэгістрацыі).

Аформіць выязную візу можна ў Нацыянальным аэрапорце Менск. Напрыклад, калі замежны госьць даведаўся аб адмене свайго рэйсу непасрэдна пасьля прыезду ў аэрапорт.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG