Лінкі ўнівэрсальнага доступу

КХЛ прыпыніла матчы ў сувязі з каранавірусам


Хакеісты менскага клюбу «Дынама» не дайшлі да стадыі плэй-оф.

Кантынэнтальная хакейная ліга (КХЛ) прыняла рашэньне аб прыпыненьні розыгрышу на адзін тыдзень для арганізацыі і ўзгадненьня новага фармату правядзеньня другога этапу чэмпіянату з удзелам шасьці клюбаў.

Як паведамляецца на сайце КХЛ, дата аднаўленьня спаборніцтваў будзе вызначаная найбліжэйшым часам. Таксама як і інфармацыя аб правядзеньні чэмпіянату Моладзевай хакейнай лігі.

Менскае «Дынама» не дайшло да стадыі плэй-оф, дачасна заняўшы апошняе месца ў КХЛ. А вось фінскі «Ёкерыт» і казахстанскі «Барыс» абвясьцілі, што спыняюць змагацца за Кубак Гагарына праз распаўсюд каранавірусу.

Матч кваліфікацыі да Эўра-2020 паміж Украінай і Літвой
Матч кваліфікацыі да Эўра-2020 паміж Украінай і Літвой

Тым часам 17 сакавіка мусіць вырашыцца лёс футбольнаг чэмпіянату Эўропы. Як стала вядома спартоваму выданьню «The Athletic», якое цытуе «Прессбол», УЭФА на відэаканфэрэнцыі з прадстаўнікамі футбольных фэдэрацый запатрабуе 300 млн эўра ў якасьці кампэнсацыі за магчымы перанос Эўра-2020 на будучы год. Прыкладна ў такую суму ацэньваюцца фінансавыя выдаткі, на якія накладаюцца ў тым ліку прыпыненьні стадый Лігі чэмпіёнаў і Лігі Эўропы.

Турэччына ўжо заявіла, што гатовая аднаасобна правесьці эўрапейскі чэмпіянат. Ранейшы фармат прадугледжваў, што спаборніцтвы ў гонар 60-годзьдзя УЭФА прымуць адразу 12 краін.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG