Лінкі ўнівэрсальнага доступу

Амбасады Польшчы і Літвы ў Беларусі спынілі прыём дакумэнтаў на візы


Польская амбасада ў Менску, ілюстрацыйнае фота

Прыём дакумэнтаў на візы ў амбасадаў і візавых цэнтрах Польшчы і Літвы прыпынены ў сувязі з уведзеным у краінах карантынам з прычыны каранавірусу COVID-19. Адпаведныя абвесткі зьявіліся на сайце амбасадаў.

Як гаворыцца на сайце амбасады Польшчы ў Беларусі, з 17 па 27 сакавіка зьмяняюцца ўмовы прыёму грамадзян у некаторых аддзелах установы.

Прыпыняецца:

  • Прыём дакумэнтаў на «карту паляка», а таксама прыём i выдача ўсiх дакумэнтаў, зьвязаных з «картай паляка».
  • Прыём вiзавых анкет, а таксама заяваў пра паўторны разгляд вiзавых спраў — у консульскім аддзеле ў Менску, а таксама ва ўсіх пунктах прыёму візавых заяваў, якія яго абслугоўваюць (візавыя цэнтры ў Гомлі і Магілёве). Горадзенская i Берасьцейская консульскiя акругi таксама прыпыняюць прыём дакумэнтаў. Выключэньне — толькі для надзвычайных сытуацый.
  • Па справах грамадзянства i юрыдычных пытаньнях прымаюць выключна ў надзвычайных сытуацыях, якiя немагчыма вырашыць без дапамогі консула.

У амбасадзе Літвы паведамілі, што прымаць дакумэнты на літоўскую візу ня будуць з 16 да 30 сакавіка 2020 году як у самой амбасадзе, так і ў візавых цэнтрах Літвы.

«У сувязі з абвяшчэньнем карантыну на тэрыторыі Літвы з 16 па 30 сакавіка ўключна, прыём дакумэнтаў на атрыманьне візаў прыпынены на ўвесь пэрыяд карантыну», — гаворыцца ў паведамленьні сайце амбасады.

З 14 сакавіка быў прыпынены прыём і разгляд заяваў на атрыманьне візаў ва ўсіх дыпляматычных прадстаўніцтвах Чэхіі, уключаючы візавыя цэнтры. Меры таксама датычацца сваякоў і чальцоў сем’яў грамадзян Эўразьвязу. Консульскі збор не вяртаецца.

Што трэба ведаць пра новы каранавірус COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

22 новыя адказы пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі

Колькі чалавек з каранавірусам памерлі ў Беларусі

Пакуль вядома пра шэсьць выпадкаў сьмерці пацыентаў, інфікаваных новым каранавірусам (Мінздароўя, нагадаем, паведамляе пра 4 пацьверджаныя выпадкі).

  1. 73-гадовая пэнсыянэрка Аляксандра Чэпік, памерла ўвечары 30 сакавіка ў Віцебскім абласным клінічным спэцыялізаваным цэнтры (ВАКСЦ, былы чыгуначны шпіталь).​
  2. 75-гадовы актор Драматычнага тэатра імя Якуба Коласа Віктар Дашкевіч, памёр у ноч з 30 на 31 сакавіка ў ВАКСЦ.
  3. 70-гадовая настаўніца зь вёскі Новыя Доктаравічы (Менская вобласьць) Натальля А., памерла 1 красавіка ў Капыльскай цэнтральнай раённай бальніцы.
  4. 70-гадовы вайсковы пэнсіянэр Уладзімер Сідараў, памёр 2 красавіка ў ВАКСЦ.​
  5. 67-гадовая Вольга Дзеравянка, памерла 1 красавіка ў 2-й гарадзкой клінічнай лякарні Менску.
  6. 60-гадовы мянчук памёр у сталічным інфэкцыйным шпіталі 3 красавіка.

Пашырэньне каранавірусу ў сьвеце. Гадзіна за гадзінай

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG