Лінкі ўнівэрсальнага доступу

МУС прапанавала ўвесьці штрафныя балы для парушальнікаў дарожнага руху


Ілюстрацыйнае фота

Міністэрства ўнутраных спраў Беларусі прапануе ўвесьці сыстэму штрафных балаў для парушальнікаў дарожнага руху.

Пра гэта распавёў міністар унутраных спраў Юры Караеў у перадачы «Размова ў прэзыдэнта» на тэлеканале «Беларусь-1».

Паводле Караева, цяпер МУС рыхтуе шэраг заканадаўчых зьменаў, якія закрануць адміністрацыйны кодэкс, галоўная задача якіх — «адысьці ад папяровай валакіты, спрасьціць сам працэс прыцягненьня да адказнасьці».

Напрыклад, паводле міністра, цяпер прапрацоўваюць «дзейсныя меры ўздзеяньня на сыстэмных парушальнікаў правілаў дарожнага руху», якіх, паводле МУС, у Беларусі каля 8 тысяч.

«У галіне дарожнага руху мы прапануем ўводзіць штрафныя балы. Гэта робіцца для таго, каб выпадковых, разавых, двух-трохразовых парушальнікаў адсекчы ад меншасьці, якая сыстэматычна, нахабна, спэцыяльна не зьвяртаючы ўвагі на нашы грамадзкія правілы і інтарэсы іншых людзей, парушае правілы проста таму, што так хоча», — сказаў Караеў.

Каб для такіх парушальнікаў гэтыя штрафныя балы і «сталі ў капеечку, і аж да таго, каб яны да аўтамабіля не маглі падысьці ні зь якога боку», падкрэсьліў Караеў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG