Падзеі 13 сакавіка ў беларускай і сусьветнай гісторыі.
Дата дня
13 сакавіка 1938 году — расейская мова ўведзеная як абавязковы прадмет для вывучэньня ва ўсіх школах СССР.
Таксама ў гэты дзень
1869 — хімік Дзьмітры Мендзялееў скончыў складаньне сваёй Пэрыядычнай табліцы.
1881 — расейскі імпэратар Аляксандр II быў сьмяротна паранены ў Пецярбургу бомбай, кінутай нарадавольцам, ураджэнцам Беларусі Ігнатам Грынявіцкім.
1938 — Аўстрыя далучаная да нацысцкай Нямеччыны.
1989 — ангельскі навуковец Цім Бернерс-Лі і ягоныя калегі, якія працавалі ў Эўрапейскай радзе па ядзерных дасьледаваньняў, перадалі кіраўніцтву Рады працу «Інфармацыйны мэнэджмэнт: некаторыя прапановы», у якім былі закладзеныя асноўныя прынцыпы прасторы WWW.
1992 — Беларусь усталявала дыпляматычныя дачыненьні зь Нямеччынай.
У гэты дзень нарадзіліся
1848 — Баляслаў Геранім Клапатоўскі, рымска-каталіцкі дзеяч, луцка-жытомірскі біскуп, арцыбіскуп магілёўскі.
1934 — Аўгіньня Кавалюк, беларуская паэтка.
1936 — Майкл Дэвіс, брытанскі каталіцкі навуковец і публіцыст.
1949 — Анатоль Тозік, беларускі дзяржаўны дзеяч і дыплямат.
1954 — Сяргей Сідорскі, былы прэм’ер-міністар Беларусі.
1965 — Юрась Пацюпа, беларускі мовазнавец, паэт, празаік, крытык.
У гэты дзень памерлі
1919 — Аляксандар Грыкоўскі, беларускі грамадзкі дзеяч, настаўнік першай беларускай школы ў Горадні.
1920 — Андрэй Сьнітка беларускі археоляг, этнограф, краязнавец.
1943 — Васіль Захарка, грамадзка-палітычны дзеяч, старшыня Рады Беларускай Народнай Рэспублікі (1928–1943).
