Лінкі ўнівэрсальнага доступу

У Расеі — чатыры новыя выпадкі заражэньня каранавірусам


У Расеі выяўленыя чатыры новыя выпадкі заражэньня каранавірусам COVID-19. Пра гэта паведамляе апэратыўны штаб. Трое пацыентаў знаходзяцца ў Ліпецку, адзін — у Санкт-Пецярбургу. Усе яны нядаўна вярнуліся з Італіі.

У пятніцу, 6 сакавіка стала вядома пра шэсьць новых хворых расейцаў.

Усяго ў Расеі выяўлена 14 выпадкаў заражэньня. Большасьць хворых наведвалі Італію. Адзін з пацыентаў сёньня выпісаны са шпіталя ў Маскве.

З прычыны распаўсюджваньня новага віруса COVID-19 маскоўскія ўлады ўвялі рэжым павышанай гатоўнасьці. Ён прадугледжвае самаізаляцыю на два тыдні людзей, якія вярнуліся з Кітаю, Паўднёвай Карэі, Італіі і іншых краін з высокім узроўнем распаўсюджваньня інфекцыі.

СМІ і карыстальнікі сацыяльных сетак паведамляюць пра першыя штрафы для тых, хто вымушана пакінуў хатні карантын. Паліцыянты выяўляюць іх праз камэры відэаназіраньня пад’ездаў.

Як паведамлялі СМІ, паводле асаблівага рашэньня гарадзкіх ўладаў можа быць спынена праца грамадзкага транспарту, зачыненыя ўезд і выезд, уведзена камэнданцкая гадзіна і патруляваньне вуліц.

Мэр Масквы Сяргей Сабянін даручыў стварыць з хуткаўзьведзеных канструкцый спэцыяльны корпус на базе першай інфэкцыйнай клінічнай бальніцы для лячэньня хворых. Такі шпіталь быў пабудаваны ў кітайскім горадзе Ухань, дзе былі зафіксаваныя першыя выпадкі заражэньня новым вірусам.

Усяго ў сьвеце новы каранавірус выяўлены больш чым у 100 тысяч чалавек. Больш за 3500 памерлі.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG