Лінкі ўнівэрсальнага доступу

У ЗША экстрана зьнізілі базавую ўліковую стаўку з прычыны каранавірусу


Кіраўнік ФРС Джэром Паўэл

Гэта першае экстранае зьніжэньне стаўкі, праведзенае з часоў фінансавага крызісу 2008 году.

Фэдэральная рэзэрвовая сыстэма ЗША (ФРС) у аўторак экстрана зьнізіла базавую ўліковую стаўку, спрабуючы абараніць найбуйнейшую эканоміку сьвету ад наступстваў каранавірусу. Кіраўнік ФРС Джэром Паўэл выказаў здагадку, што пагроза эканоміцы з боку каранавірусу зьнікне ня хутка.

«Вірус і захады, якія робяцца для яго стрымліваньня, безумоўна, будуць нэгатыўна ўплываць на эканамічную актыўнасьць як тут, так і за мяжой, на працягу некаторага часу», — заявіў Паўэл на прэс-канфэрэнцыі, якая адбылася пасьля таго, як ФРС абвясьціў аб зьніжэньні стаўкі на палову адсоткавага пункту — да 1%—1,25%.

Рашэньне аб зьніжэньні стаўкі было падтрымана аднагалосна ўсімі чальцамі Камітэту адкрытых рынкаў, які кіруе ФРС. Гэта зьніжэньне стала першым экстраным захадам, зробленым ФРС з 2008 году, калі падобнае рашэньне было прынята ў разгар фінансавага крызісу.

Міністар фінансаў ЗША Стывен Мнучын вітаў рашэньне ФРС, заявіўшы, што яно дапаможа амэрыканскай эканоміцы.

Прэзыдэнт Трамп пракамэнтаваў зьніжэньне стаўкі ў сваім твітары, заклікаўшы Цэнтрабанк прадоўжыць дзеяньні ў гэтым кірунку. «Больш зьмякчэньня і больш скарачэньня ставак», — напісаў прэзыдэнт.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG