Улады Паўднёвай Карэі зьвярнуліся ў пракуратуру з прапановай завесьці справу аб забойствах супраць дзеячоў царквы, якая паспрыяла эпідэміі каранавірусу. Пра гэта паведамляе Reuters.
Паўднёвая Карэя мае найбольш захварэлых на COVID-19 па-за межамі Кітаю — 4,335. У панядзелак абвясьцілі пра 599 новых выпадкаў інфэкцыі. 26 чалавек памерлі.
Сярод новых выпадкаў інфэкцыі 377 былі у горадзе Тэгу, дзе месьціцца грамада царквы Сінчхонджы. Прадстаўнікі гэтай грамады наведвалі кітайскі горад Ухань і адмовіліся супрацоўнічаць з уладамі на пачатку эпідэміі.
