Лінкі ўнівэрсальнага доступу

Пуцін заявіў аб прэтэнзіях Расеі на замежныя актывы краінаў былога СССР


Прэзыдэнт Расеі Ўладзімір Пуцін

Расея, стаўшы правапераемніцай СССР, узяла на сябе абавязацельствы па выплаце даўгоў ўсіх былых савецкіх рэспублік у абмен на актывы за мяжой, але так іх і не атрымала, заявіў прэзыдэнт Расеі Ўладзімір Пуцін, паведамляе ТАСС.

«Мы крэдыты ж пагасілі за ўсіх, а актываў за мяжой некаторых новаўтвораных на прасторах Савецкага Саюзу дзяржавы нам так і не перадалі», — заўважыў Пуцін на сустрэчы з рабочай групай падрыхтоўкі паправак у Канстытуцыю Расеі.

«Мы, па-мойму, толькі за Ўкраіну 16 мільярдаў выплацілі», — дадаў Пуцін. Паводле яго, тады «ўвесь сьвет быў вельмі шчаслівы», калі Расея пагадзілася выплаціць усе даўгі былых рэспублік.

У 1993 годзе Расея ўзяла на сябе абавязаньні былых савецкіх рэспублік па замежных даўгах, а тыя наўзамен адмовіліся ад належнай ім долі ў замежных актывах Савецкага Саюзу. На студзень 1994 году доўг былога СССР складаў 104,5 мільярда даляраў, у тым ліку амаль 50 мільярдаў — перад Парыскім клюбам крэдытораў. У 2006-м Расея датэрмінова пагасіла яго, а ў жніўні 2017 году пагасіла апошні замежны доўг Савецкага Саюзу — выплаціла Босьніі і Герцагавіне 125,2 мільёна даляраў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG