Лінкі ўнівэрсальнага доступу

«Забіў, бо ён плакаў». На Мядзельшчыне мужчыну затрымалі за забойства малога


Хатні гвалт, ілюстрацыйнае фота
Хатні гвалт, ілюстрацыйнае фота

Сьледчым упраўленьнем па Менскай вобласьці завершана расьследаваньне крымінальнай справы аб забойстве дзіцяці.

Паводле сьледзтва, у верасьні мінулага году ў міліцыю паступіла паведамленьне аб тым, што ў прыватным доме ў адной зь вёсак Мядзельскага раёну знойдзена цела аднагадовага хлопчыка.

Згодна з заключэньнем судова-мэдыцынскай экспэртызы, сьмерць дзіцяці наступіла ад цяжкіх пашкоджаньняў галавы.
Затрымалі 21-гадовы мужчыну,зь якім пражывала 20-гадовая маці дзіцяці.

Згодна з матэрыяламі крымінальнай справы, у дзень здарэньня жанчына знаходзілася ў шпіталі, яе сын застаўся з маладым чалавекам. Той у стане алькагольнага ап’яненьня пабіў хлопчыка, бо той плакаў. Прызнаўся, што нанёс яму ўдары рукамі і нагамі па галаве і розных частках цела. Калі дзіця перастала падаваць прыкметы жыцьця, перавёз цела ў торбе ў пусты дом у Мядзельскім раёне.

Празь некалькі дзён маці малога вярнулася. Мужчына сказаў, што хлопчык у знаёмых, але потым расказаў, дзе знаходзіцца цела.

Сьледчыя кваліфікавалі дзеяньні мужчыны паводле ч. 2 арт. 139 Крымінальнага кодэксу (забойства малалетняга, які знаходзіцца ў бездапаможным стане, учыненае з асаблівай жорсткасьцю). Абвінавачанаму пагражае працяглы тэрмін зьняволеньня або найвышэйшая мера пакараньня. Яго ўзялі пад варту. Крымінальную справу пералі пракурору для накіраваньня ў суд.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG