Лінкі ўнівэрсальнага доступу

Ад 24 лютага атрымаць амэрыканскую грын-кард стане больш складана


Пра гэта гаворыцца ў паведамленьні прэс-службы Белага Дому.

У прыватнасьці, новыя правілы дазволяць уладам вызначаць, хто сапраўды мае патрэбу ў дапамозе дзяржавы, а каму можна адмовіць у выдачы грын-кард, зыходзячы з узроўню даходу альбо з таго, як часта чалавек карыстаецца праграмамі сацыяльнай дапамогі. Маюцца на ўвазе сацыяльнае забесьпячэньне, талёны на харчаваньне, дзяржаўнае жытло або бясплатная мэдычная страхоўка паводле праграмы Medicaid.

Правілы пачнуць дзейнічаць ад 24 лютага. У Белым доме лічаць, што новыя меры адновяць прынцып, паводле якога новыя члены амэрыканскага грамадзтва павінны быць фінансава самастойныя і не залежаць «ад шчодрасьці падаткаплатнікаў».

У канцы студзеня ўлады абвясьцілі пра новыя правілы атрыманьня віз у ЗША цяжарнымі. Правілы накіраваныя на выкараненьне «турызму парадзіх» — практыкі, калі жанчыны наўмысна прыяжджаюць нараджаць у Злучаныя Штаты, каб іх дзіця аўтаматычна атрымала амэрыканскае грамадзянства.

Абмежаваньне патоку мігрантаў у краіну было адным зь перадвыбарчых лёзунгаў цяперашняга прэзыдэнта Дональда Трампа.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG