Лінкі ўнівэрсальнага доступу

Ватыкан адкрые архівы пантыфікату Пія ХІІ. Чаму гэта важна


Пій XII прымае адмысловага амбасадара ЗША Мірона Тэйлара, які даставіў ліст ад прэзыдэнта ЗША Франкліна Рузвэльта, 27 лютага 1940

Ватыкан адкрые для навукоўцаў архівы з пэрыяду пантыфікату Пія ХІІ, які прыйшоўся на Другую сусьветную вайну. Сама цырымонія адкрыцьця архіваў пэрыяду ад 1939 па 1958 гг. заплянаваная на 2 сакавіка, паведамляе Ватыканскае радыё.

Рашэньне адкрыць архівы, якія датычаць пантыфікату Пія XII, Францішак прыняў год таму. Ватыканскі апостальскі архіў дасьць доступ да 151 тыс. пазыцый. Гаворка ідзе ў тым ліку пра рукапісы шматлікіх выступленьняў Эўджэніа Пачэлі і пра тэксты, у якія ён уласнаручна ўносіў праўкі.

З дакумэнтамі кваліфікаваным дасьледчыкам можна будзе азнаёміцца бясплатна і свабодна.

Чаму гэта важна

Цікавасьць дасьледчыкаў да пантыфікату Пія XII вельмі высокая, паколькі ён прыйшоўся на час глябальных гістарычных зьмен і Другой сусьветнай вайны, паведамляе Ватыканскае радыё.

Прадстаўнікі габрэйскіх арганізацыяў лічаць яго адказным за тое, што падчас вайны Ватыкан не выказаўся рашуча і наўпрост супраць Галакоста і не дапамагаў у дастатковай меры перасьледаваным габрэям. Амэрыканскі габрэйскі камітэт на працягу апошніх 30 гадоў заклікаў Ватыкан адкрыць доступ да архіваў пэрыяду 1939-1958 гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG