Лінкі ўнівэрсальнага доступу

За вылучэньне кандыдатам у прэзыдэнты ад беларускай апазыцыі пазмагаюцца шэсьць чалавек


Прэс-канфэрэнцыя беларускай апазыцыі, прысьвечаная прэзыдэнцкім праймэрыз. Менск, 27 студзеня 2020

Намесьнік старшыні Партыі БНФ Аляксей Янукевіч 16 лютага падаў заяўку на ўдзел у выбарах адзінага кандыдата ў прэзыдэнты ад апазыцыі як апошні з прэтэндэнтаў. Пра гэта паведаміў БелаПАН.

Аляксей Янукевіч
Аляксей Янукевіч

«Мэта ўдзелу — абарона нацыянальных інтарэсаў і каштоўнасьцяў. Трэба прымусіць і беларускія ўлады, і Крэмль лічыцца з той часткай беларускага грамадзтва, для якой важныя каштоўнасьці свабоды, незалежнасьці і нацыянальнага адраджэньня. Гэта ад траціны да паловы насельніцтва на гэты момант, і я разьлічваю на іх падтрымку, буду абараняць у першую чаргу іх інтарэсы», — сказаў Янукевіч.

Мікалай Казлоў
Мікалай Казлоў

Намер вылучыцца выказваў яшчэ прадпрымальнік Уладзімір Усеня, але, як паведаміў кіраўнік штабу праймэрыз Ігар Барысаў, Усеня не пасьпеў сабраць неабходную колькасьць подпісаў для заяўкі.

Юрась Губарэвіч
Юрась Губарэвіч

Акрамя Янукевіча, заяўкі на ўдзел у праймэрыз падалі старшыня Аб’яднанай грамадзянскай партыі Мікалай Казлоў, сустаршыня аргкамітэту Беларускай хрысьціянскай дэмакратыі Павал Севярынец, кіраўнік руху «За свабоду» Юрась Губарэвіч, сустаршыня аргкамітэту Беларускай хрысьціянскай дэмакратыі Вольга Кавалькова і былая дэпутатка Палаты прадстаўнікоў Ганна Канапацкая.

Павал Севярынец
Павал Севярынец

Янукевіч, Казлоў, Севярынец і Губарэвіч вылучаліся сваімі арганізацыямі, а Кавалькова і Канапацкая — шляхам збору подпісаў.

Вольга Кавалькова
Вольга Кавалькова

Пагадненне аб працэдуры праймэрыз падпісалі БСДП (Грамада), Партыя БНФ, АГП, аргкамітэт БХД і рух «За свабоду». Выбары адзінага кандыдата прадугледжваюць выкарыстаньне рэйтынгавай сыстэмы. Разьмеркаваньне балаў паміж прэтэндэнтамі пройдзе на аснове інтэрнэт-галасаваньня, галасаваньня ў рэгіёнах і галасаваньня дэлегатаў Кангрэсу дэмакратычных сілаў, які плянуецца правесьці ў другой палове траўня. Там жа будзе абвешчаны адзіны кандыдат.

Ганна Канапацкая
Ганна Канапацкая

Для ўдзелу ў галасаваньні па выбары адзінага кандыдата прэтэндэнт павінен або вылучыцца ад зарэгістраванай партыі ці грамадзкай арганізацыі, або сабраць 200 подпісаў. Акрамя таго, прэтэндэнт павінен зрабіць грашовы ўнёсак у эквіваленце 500 эўраў.

Прэзыдэнцкія выбары павінны адбыцца не пазьней за 30 жніўня 2020 году.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG