Айсбэрг, падобны па памерах на Мальту, адарваўся ад ледавік Pine Island. Гэты ледавік растае найхутчэй у Антарктыдзе — вынікае з аналізу спадарожнікавых здымкаў, зробленых Эўрапейскім касьмічным агенцтвам (ESA).
У айсбэрга, адарванага ад ледавіка, плошча больш за 300 квадратных км (плошча Мальты 316 квадратных км). Аднак ён хутка раскалоўся на меншыя ледзяныя блёкі — падкрэсьлівае CNN.
Фотаздымак айсбэрга, які адарваўся ад ледавіка Pine Island, быў зроблены спадарожнікам місіі Sentinel-2.
«Відавочна, што ўлічваючы гэтыя здымкі, ледавік Pine Island рэагуе на зьмены клімату», — адзначае Марк Дрынквотэр з Эўрапейскага касьмічнага агенцтва.
Ён падкрэсьлівае, што хуткасьць раставаньня ледавікоў у рэгіёне Заходняй Антарктыды найхутчэйшы за ўвесь час, калі робяцца спадарожнікавыя здымкі Антарктыды.
Калі б увесь ледавік Pine Island растаў, акіян урос бы на 1,2 мэтра, мяркуе NASA.
