Два былыя супрацоўнікі ўкраінскага спэцпадразьдзяленьня «Беркут», перададзеныя адміністрацыі сэпаратысцкіх рэгіёнаў на ўсходзе Ўкраіны ў выніку расейска-ўкраінскага абмену палоннымі, вырашылі вярнуцца ў Кіеў.
Аляксандр Марынчанка і Сяргей Тамтура, якія знаходзіліся ў Кіеве пад хатнім арыштам у сувязі з абвінавачаньнямі ў датычнасьці да расстрэлаў на Майдане, вырашылі ўдзельнічаць у судовым працэсе ў справе аб гібелі мірных дэманстрантаў у цэнтры Кіева ў лютым 2014 году.
Абодва былыя спэцназаўцы напісалі ў звароце да прэзыдэнта Ўкраіны Ўладзіміра Зяленскага, старшыні Вярхоўнай Рады і генпракурора:
«Праўда — гэта прычына нашага вяртаньня ў Кіеў. На працягу пяці гадоў судовы працэс быў асноўнай крыніцай праўды аб Майдане і павінен працягнуцца. Мы будзем удзельнічаць у судовых пасяджэньнях.
Нам няма чаго хаваць — мы не чынілі злачынстваў. Мы хочам аднавіць сумленнае імя спэцпадразьдзяленьня „Беркут“. Мы хочам, каб па-сапраўднаму вінаватыя ў забойствах праваахоўнікаў і пратэстоўцаў былі пакараныя».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў